Даступны спорт для ўсіх, хто ў рытме здароўя і актыўнага ладу жыцця. Новая шматфункцыянальная варкаўт-зона адкрылася сёння ў Нясвіжы.
Гэта яшчэ адзін аб'ект, запушчаны ў рамках праекта Прэзідэнцкага спартыўнага клуба сумесна з Мінскім аблвыканкамам. Лакацыяй для новага спартыўнага пункта стаў Нясвіжскі каледж імя Якуба Коласа. У 2019 годзе тут ужо адкрылася поле для гульні ў гольф, цяпер у навучэнцаў з'явілася магчымасць штодзень трэніравацца на сучасных трэнажорах. На тэрыторыі 350 квадратных метраў на вольным паветры некалькі зон актыўнасці для гульні ў стрытбол, для заняткаў вулічнай гімнастыкай і снарады для юных атлетаў. Новую варкаўт-зону ўжо паспелі ацаніць па заслугах навучэнцы і выкладчыкі.
У найбліжэйшыя месяцы праект "Спорт для ўсіх" працягне крочыць па Мінскай вобласці і ахопіць кожны яе раён. Усяго за сезон будуць адкрыты 23 шматфункцыянальныя спартыўныя пляцоўкі.