І нават у дажджлівае надвор'е ёсць тое, што сагравае - бязмежная бацькоўская любоў. Ёй прысвяцілі і сямейны святочны марафон. Утульныя канцэрты і цырымоніі ўзнагароджання, камерныя выставы і маштабныя форумы. Завяршыліся віншаванні ў Дзень бацькі. Нагадаем, гэта свята беларусы адзначалі другім раз у гісторыі. Пра тых, хто становіцца галоўнай апорай і натхняе сваім прыкладам, - сюжэт Алены Вітко.
Ён з лёгкасцю вызначыць геаграфічныя каардынаты і дапаможа старэйшаму сыну з урокамі. А разам з дачкой складзе fashion-капсулу для лялькі і палітру колераў падбярэ. Антон Весніч - тата і малады, і вопытны. Свае 32 сустрэў у статусе шматдзетнага.
Антон Весніч, шматдзетны тата:
Бачыў я ў роліку адным, як дзіця спыталі: "Што для вас сям'я?" І яно гаворыць: "Гэта як анёл. З аднаго боку, крылышка - мама, з другога - тата". Г.з. з іх дапамогай можна ляцець наперад, дапамагаюць ва ўсіх пачынаннях. Мы прытрымліваемся такога прынцыпу. Сям'я - гэта ўсё.
Працуе шматдзетны бацька на Барысаўскім заводзе агрэгатаў. Прыйшоў слесарам па рамонце аўтамабіляў, а цяпер начальнік участка побыту. Дома таксама ўсё па-гаспадарску, нават коскі атрымліваюцца ідэальна.
Данііл, Кацярына і самая маленькая Марыя. Такое шчаслівае трыа і галоўны падарунак сямейнага жыцця. У лістападзе Антон і Юлія адзначаць дзясятую гадавіну вяселля. За гэты час з'явіліся, зразумела, і любімыя традыцыі.
У агульным сямейным графіку таксама кінавечары і спартыўныя турніры, паездкі на дачу і турыстычныя выхадныя.
Мама - галоўная па тайм-менеджменту. І няхай Юлія зараз у дэкрэтным адпачынку, будні насычаныя. Правесці малых у школу, пасля ў Каці танцавальныя заняткі, у Данііла - футбольныя трэніроўкі. Паспяваюць усё.
Дом, дзе жыве любоў. І гэта толькі адна фамільная гісторыя. Усяго шматдзетнае шчасце ў Мінскай вобласці адчуваюць больш за 20 тысяч сем'яў. А гэта 70 тысяч юных беларусаў, што атулены бацькоўскім цяплом.
