Захаванне дыстанцыі паўтара метра, праветрыванне памяшкання, выкарыстанне сродкаў індывідуальнай засцярогі. Міністэрства аховы здароўя зацвердзіла рэкамендацыі па прафілактыцы каранавіруса.
Кожнай арганізацыі (незалежна ад формы ўласнасці) прапаноўваецца распрацаваць свой план работы ў сувязі з эпідсітуацыяй. Важна весці ўлік работнікаў з COVID-19. Па магчымасці больш чым пяць чалавек не збірацца, канферэнцыі і бізнес-сустрэчы перанесці ў анлайн-фармат. З пісьмовай згоды работніка рэкамендуецца стварыць гібкі графік працоўнага дня альбо перайсці на дыстанцыйную працу. Міністэрства аховы здароўя рэкамендуе прыпыніць выдачу кальянаў. У арганізацыях гандлю абслугоўваць у масках і пальчатках. Насіць сродкі індывідуальнай засцярогі рэкамендуецца і наведвальнікам. Прадукты прапаноўваецца прадаваць пераважна ўпакаванымі. Не перашкодзіць і дэзынфекцыя кошыкаў і калясак. Вышэйпералічанае не распаўсюджваецца на арганізацыі аховы здароўя, установы адукацыі, сацабслугоўвання, воінскія часці. З поўным спісам рэкамендацый можна азнаёміцца на сайце ведамства.
