8 Сакавіка. Дзень жанчын. Дзень, у які мужчыны падкрэсліваюць сваёй увагай трапяткое стаўленне да жонак, сясцёр, дачок, матуль. І, вядома, чарговы раз прызнаюцца ў любові, падкрэсліваюць сваёй увагай і адносіны да выдатных калег па працы.
У гэты дзень гучаць віншаванні і словы падзякі за душэўную шчодрасць і натхненне, за каханне, цярпенне і стваральную працу.
Са святам беларусак павіншаваў і Прэзідэнт Беларусі. Аляксандр Лукашэнка выказаў словы глыбокай удзячнасці жанчынам за адданасць краіне і ўклад ва ўмацаванне адзінства і стабільнасці ў грамадстве.
З раніцы ў сталіцы і гарадах Беларусі быў незвычайны святочны настрой. Яшчэ і цудоўнае сонечнае надвор'е. У горадзе працавала і здымачная група АТН. Аляксандр Якубоўскі даведаўся, як беларускія мужчыны збіраліся здзіўляць жанчын (відэа).
