У гэты дзень 5 гадоў таму на базе Мінгандлю быў створаны новы дзяржорган Беларусі - Міністэрства антыманапольнага рэгулявання і гандлю.
За гэты час значна перапрацавана заканадаўчая база, распрацавана больш як 2 тысячы прававых актаў. А закон аб процідзеянні манапалістычнай дзейнасці высока ацанілі міжнародныя эксперты. У скарбонцы - аналіз 310 таварных рынкаў, разгледжана 466 антыканкурэнтных спраў. Сярод іх картэльныя і коштавыя змовы, а таксама неправамерныя дамоўленасці па дзяржзакупках. Такія дзеянні спыняліся. Загады выдаваліся і суб'ектам гаспадарання і дзяржорганам. Вялікая ўвага і міжнародным кантактам, падпісана 14 мемарандумаў аб супрацоўніцтве. Актыўна вядзецца праца з калегамі па ЕАЭС і СНД.
Сёння вялікая ўвага на ўнутраным рынку цанавой стабільнасці. На сацыяльна значныя тавары ўведзена дзяржрэгуляванне. Гэта мера ў перыяд пандэміі дазваляе абараніць свайго пакупніка ад росту сусветных цэн на прадукты паўсядзённага попыту.
Іх праца - расследаванні. Да дзесяцігоддзя Следчага камітэта
Агенцтва тэленавін падрыхтавала дакументальныя фільмы аб няпростых буднях ведамства. Ужо сёння распавядзём аб самым дзёрзкім рабаванні ў гісторыі незалежнай Беларусі. У жніўні 2018 года невядомыя ў Мінску напалі на ювелірны магазін "Яхонт", завалодаўшы каштоўнасцямі на паўмільёна долараў. Дзе зараз дарагія ўпрыгажэнні і як выйшлі на фігурантаў? Упершыню следчыя расказалі падрабязнасці гэтай гучнай справы.
