Міністэрства адукацыі добраўпарадкоўвала тэрыторыю санаторыя "Палітэхнік"

Апарат Міністэрства адукацыі сёння добраўпарадкоўваў тэрыторыю санаторыя-прафілакторыя "Палітэхнік".  У чэрвені там адкрыецца дзіцячы аздараўленчы лагер. Самы час прывесці ў парадак паркавую зону, прыбраць сухое рыззё, усталяваць новыя лаўкі і альтанкі. Да добрай справы далучыліся і студэнты БНТУ. Дарэчы, у рамках суботніка апарат ведамства сабраў ледзь больш за дзве тысячы рублёў - гэтыя грошы пойдуць у тым ліку на падрыхтоўку да лета дзіцячых лагераў. 

Ужо пасля журналісты АТН задалі Ігару Карпенку пытанні па профілі. Як ідуць справы з наведвальнасцю ў школах? Што будзе з экзаменамі і ЦТ? Эксклюзіўныя адказы заўтра вечарам - у рэпартажы "Галоўнага эфіру".