У Беларусі для назірання за выбарамі акрэдытацыю атрымалі каля 300 міжнародных экспертаў. Маніторынг вялі прадстаўнікі Саюзнай дзяржавы, СНД, АДКБ, ШАС, цэнтрвыбаркамаў розных краін, а таксама 23 эксперты з Еўрасаюза і іншых заходніх дзяржаў.
Прытрымліваючыся прынцыпаў нейтралітэту і непрадузятасці, яны ацэньвалі выбары на адпаведнасць заканадаўству і міжнародным нормам, а таксама дзяліліся з журналістамі сваімі ўражаннямі. Яны гаварылі пра тое, што з беларускага вопыту варта было б пераняць іх краінам.
У прыватнасці, назіральнік з Германіі Гунар Ліндэман асабліва адзначыў магчымасць прагаласаваць дома людзям з абмежаванымі магчымасцямі і сталага ўзросту. У яго краіне такога няма.
Незалежны назіральнік з Літвы, старшыня Міжнароднага форуму добрасуседства Эдзікас Ягелавічус адзначыў, што іх арганізацыя заўсёды выступала за сяброўства з найбліжэйшымі суседзямі - Беларуссю і Расіяй. У 2021 годзе ён ужо быў міжнародным назіральнікам на выбарах у Расійскай Федэрацыі і зараз згадзіўся стаць ім на выбарах у Беларусі. Маніторыў ён і галасаванне ў Літве, дзе заўважаў некаторыя негатыўныя моманты. У Беларусі ж усё прайшло дысцыплінавана, усюды парадак, падкрэсліў Ягелавічус.
