У Міністэрстве па падатках і зборах нагадваюць аб тым, што ўладальнікі, а таксама карыстальнікі зямельных надзелаў і нерухомасці да 16 лістапада павінны ўнесці суму, паказаную ў паведамленні. Прычым зрабіць гэта можна любым са зручных спосабаў. У выпадку пратэрміноўкі прыйдзецца заплаціць штраф.
Святлана Лук’янюк з падрабязнасцямі. Паўтара мільёна беларусаў сёлета атрымалі паведамленні аб выплаце падатку на зямлю. Зрабіць гэта трэба да 16 лістапада ўключна. Аплаціць можна наяўнымі грашыма, гэта на пошце, ашчадбанках або пасялковых выканкамах. А таксама па безнаяўным разліку. Дарэчы, падатковыя інспектары актыўна прапаноўваюць такую паслугу, як асабісты кабінет.
У Маскоўскім раёне Мінска за апошні месяц з просьбай перайсці на электронны дакументаабарот звярнуліся 100 чалавек. Гавораць, гэтую працэдуру асвоіць нескладана.
Для тых, хто не любіць стаяць у чэргах, безнаяўная аплата заўсёды ў дапамогу. Напрыклад, праз інфакіёск. Зойме гэта некалькі хвілін. Усе дадзеныя на экране з'явяцца пасля ўвядзення уліковага нумара.
Ужо да мая рыхтуюцца спісы плацельшчыкаў за зямлю і нерухомасць, каб да 1 жніўня ўсе атрымалі паведамленні. У падатковай Маскоўскага раёна іх адправілі 7 тысячам карыстальнікаў і ўласнікам. Год ад года колькасць павялічваецца прыкладна на 10 працэнтаў. Шматпавярхоўкі растуць актыўна. У шматлікіх - падземныя гаражы. Іх уладальнікі і папаўняюць спісы падаткаплацельшчыкаў.
Падатак плацяць тыя, у каго зямельны ўчастак ва ўласнасці альбо ў карыстанні або спадчынным валоданні. Памер падатку залежыць ад плошчы ўчастку, месцазнаходжання і ад кошту нерухомасці на ім. Ад 50 тысяч да мільёна рублёў.
