Каб святкаванне Новага года пакінула толькі станоўчыя эмоцыі, у рамках тэматычнай акцыі спецыялісты будуць нагадваць дарослым і дзецям правілы бяспекі. Ратавальнікі правядуць прафілактычныя сустрэчы, конкурсы і віктарыны. Папярэдзяць пра асцярожнае звяртанне з піратэхнікай. Неабходна выкарыстоўваць толькі сертыфікаваную прадукцыю.
Прафілактычны марафон пройдзе ў некалькі этапаў, падчас якіх супрацоўнікі Міністэрства па надзвычайных сітуацыях будуць звяртаць асаблівую ўвагу на школьнікаў, нагадаюць аб бяспецы на лядовых катках, спартыўных пляцоўках і ў дзіцячых установах аховы здароўя.
