Перадумоў для павелічэння кошту на драўніну і гатовую прадукцыю да канца года ў Беларусі няма. Аб гэтым заявіў кіраўнік канцэрна "Беллеспаперпрам" Міхаіл Касько ў праекце "Пытанне нумар 1". Пік па кошце прыпаў на сярэдзіну лета. На знешніх рынках попыт перавышаў колькасць прапаноў з-за таго, што працу некаторых вытворчасцяў у свеце абмежаваў каранавірус. Каб матэрыял быў даступны для свайго пакупніка, на біржы ўводзілі коштавы калідор з фіксаванай верхняй планкай, а таксама запускалі дадатковую штодзённую гандлёвую сесію па продажы піламатэрыялаў. Пачынаючы са жніўня, сітуацыя стабілізавалася.
Усе прадпрыемствы канцэрна "Беллеспаперпрам" працуюць зараз устойліва. Чакаецца, што па выніках года аб'ем вытворчасці прадукцыі перавысіць тры мільярды рублёў - экспарт наблізіцца да 900 мільёнаў долараў. Адзначым, што 80 працэнтаў тавараў - ад піламатэрыялаў, пелет да мэблі - мы прадаём на знешнія рынкі.
