Абараніць правы і законныя інтарэсы абітурыентаў. У Беларусі створана дзяржаўная камісія па кантролі за ходам падрыхтоўкі і правядзення ўсіх этапаў уступнай кампаніі ў 2023 годзе, уключаючы цэнтралізаваны экзамен. Адпаведны ўказ падпісаў кіраўнік дзяржавы.
Старшынёй камісіі прызначаны намеснік прэм'ер-міністра Ігар Петрышэнка. У яе састаў уключаны члены Савета Рэспублікі, дэпутаты, прадстаўнікі органаў дзяржкіравання, кантралюючых органаў і грамадскіх арганізацый. Рэалізацыя ўказу дазволіць прыняць меры і адрэагаваць у выпадку неабходнасці для выключэння парушэнняў заканадаўства.
