Лукашэнка азнаёміўся з развіццём айчыннай транспланталогіі і адказаў на вострыя тэмы

Шанец на жыццё. Развіццё беларускай транспланталогіі сёння было ў цэнтры ўвагі Прэзідэнта. Аляксандр Лукашэнка наведаў навукова-практычны цэнтр хірургіі, транспланталогіі і гематалогіі і пагаварыў з калектывам клінікі. У развіццё гэтай высокатэхналагічнай сферы медыцыны ўкладзена нямала сіл і сродкаў, але ўсё гэта было нездарма. Выратаваны тысячы жыццяў. У цэнтры таксама прыходзяць на дапамогу, калі цяжкую хваробу ўскладняе COVID. І медыкі перамагаюць. Гісторыі цудоўных выздараўленняў уражваюць. Але цудаў не бывае. Кадры, тэхналогіі, дзяржпадтрымка - усё гэта разам дае вынік для пацыентаў. Мадэрнізацыя медустаноў працягнецца. У размове з урачамі закранулі нямала немедыцынскіх тэм - ад сітуацыі ў рэгіёне да галасавання на рэферэндуме. Пра гэта раскажам крыху пазней. Але спачатку пра тое, што значыць высокія медыцынскія тэхналогіі ў справе. Рэпартаж Наталлі Брэвус (відэа).