Міжканфесійны мір - галоўнае дасягненне Беларусі. Гэта сёння заявіў Аляксандра Лукашэнка на сустрэчы з Сінодам Беларускай праваслаўнай царквы. Кіраўнік дзяржавы выказаў словы падзякі мітрапаліту Мінскаму і Заслаўскаму Веніяміну, Патрыяршаму Экзарху ўсяе Беларусі за запрашэнне прыняць удзел у Сінодзе. Але спачатку ў храме Сабора Усіх Беларускіх святых запалілі свечкі.
Прэзідэнт: Сусветнае праваслаўе перажывае няпростыя часы
Палітыка Беларусі накіраваная на падтрыманне верацярпімасці, міру і згоды паміж людзьмі розных веравызнанняў. І ў гэтым мэты ў кіраўніцтва краіны і Царквы адзіныя. Дыялог асабліва важны ў цяперашніх умовах, калі геапалітычная сітуацыя ў свеце непрадказальная. А таму сёння дзяржава ўскладвае на Царкву вялікія надзеі ў пытанні падтрымання адзінства нацыі і грамадзянскай згоды, тым больш што ў праваслаўных іерархаў у беларускім грамадстве высокі аўтарытэт - да іх прыслухваюцца мільёны суайчыннікаў. Аляксандр Лукашэнка адзначыў: гэтая сустрэча з Сінодам мае вялікае значэнне менавіта зараз - напярэдадні важных палітычных падзей унутры краіны і няпростай сітуацыі на знешнім контуры.
Прэзідэнт Беларусі са шкадаваннем адзначыў, што сусветнае праваслаўе зараз перажывае няпростыя поры: "Мы гэта вымушаны прызнаць. Немагчыма без болю глядзець на рэлігійнае супрацьстаянне ў нашай братэрскай Украіне: захоп храмаў, крымінальнае праследаванне святароў, барацьба за галоўную святыню нашага праваслаўя - Кіева-Пячэрскую лаўру".
"Трагедыя разгараецца і на Святой Зямлі, якая мае сакральнае значэнне для ўсіх сусветных рэлігій. На жаль, мы бачым спробы ўцягнуць у гэты канфлікт як мага больш іншых краін і народаў", - сказаў Аляксандр Лукашэнка.
Задача Царквы - зберагчы традыцыйныя каштоўнасці
Роля Царквы і ў тым, каб зберагчы нашы традыцыйныя духоўныя каштоўнасці. Сёння яны знаходзяцца пад беспрэцэдэнтным націскам звонку. Нам навязваюць загадзя дэструктыўныя для грамадства і дзяржавы ідэі ўсёдазволенасці, бяздзетнасці, ЛГБТ і іншыя. Задача Царквы - супрацьстаяць сучаснаму разбуральнаму ўздзеянню.
