Лета вяртаецца, але пакуль на адзін дзень

У сталіцы і Мінскай вобласці ў прагнозах сіноптыкаў на заўтра кароткачасовыя дажджы, месцамі навальніцы. Днём да 22 цяпла, уначы 16-18 з плюсам. У нядзелю, нарэшце, ападкі скончацца і выгляне яркае летняе сонца. Паветра прагрэецца да спякотных 28 градусаў. Новы тыдзень зноў пачнецца з кароткачасовых ападкаў, тэмпература паветра ў сталіцы максімум 23 са знакам плюс.