Эфектыўнасць працы лясной гаспадаркі абмеркавалі ў Прэзідэнта Беларусі Аляксандра Лукашэнкі 24 жніўня. Выкарыстанне сыравіны, дыверсіфікацыя рынкаў, экспарт і даступнасць піламатэрыялаў для насельніцтва - асноўныя тэмы нарады.
За 7 месяцаў года нарыхтавана больш як 10 млн кубаметраў драўніны - 80 % да аналагічнага перыяду 2022 года. Пры наяўнасці попыту магутнасці дазваляюць нарасціць аб'ём нарыхтоўкі. Нягледзячы на санкцыі, атрымалася пераарыентаваць пастаўкі, захаваць аб'ёмы і яшчэ больш зарабіць. На гэты момант цалкам закрытыя патрэбнасці дрэваапрацоўчых прадпрыемстваў рознай формы ўласнасці. А дзякуючы цеснаму супрацоўніцтву Мінлясгаса з айчыннымі вытворцамі лясная гаспадарка атрымлівае ўсю лінейку неабходнай тэхнікі.
