Царства сапраўдных паўночных сабак - на ферме пад Мінскам! У беларускім хаскі-парку 30 маламутаў, самаедаў, хаскі і нават дзікіх ваўкоў. З жывёламі тут можна бавіць час, фатаграфавацца і частаваць іх. Але толькі пад наглядам прафесіяналаў. А яшчэ з хаскі можна адправіцца на догтрэкінг.
А каму даспадобы больш экзатычныя жывёлы, тых чакаюць у кантактным заапарку пад Салігорскам. Зімовае сафары - у рэпартажы Ільі Цвяткова.
Камеры і мікрафона пухнатыя абсалютна не баяцца. Нашу здымачную групу хаскі сустракаюць як старых знаёмых. Кожны сабака патрабуе ўвагі. Гадаванцы хаскілэнда добра ведаюць, як спадабацца новым наведвальнікам.
З жывёламі тут можна гуляць, карміць іх і фатаграфавацца. Але толькі пад наглядам гаспадароў. Спецыяльныя пачастункі прапануюць на месцы. А яшчэ з хаскі можна адправіцца на догтрэкінг! Пешую прагулку ці нават прабежку па лесе.
Побач з хаскі тут і "амаль сапраўдныя ваўкі". Драпежнікі ўжо адаптаваліся да людзей.
Гаспадары хаскі-парка раскажуць аб правілах утрымання гэтай пароды. Пра тое, як правільна арганізаваць трэніроўкі для жывёл, дадуць рэкамендацыі па рацыёне.
Свая атмасфера ўзаемадзеяння з прыродай і ў кантактным заапарку пад Салігорскам. Тут можна смела заходзіць у вальеры, карміць гадаванцаў і рабіць заасэлфі.
Больш за 150 жывёл сустракаюць гасцей. Уладальнікі аграфермы правядуць экскурсію і падзеляцца фактамі пра жыццё аўстралійскіх эму, афрыканскіх вярблюдаў і якаў ва ўмовах клімату нашай краіны.
У планах уладальнікаў фермы арганізаваць выязныя фотасесіі на вярблюдах - на фоне салігорскіх тэрыконаў, а таксама набыць некалькі новых відаў драпежнікаў і траваедных, каб разнастаіць вялікую сям'ю экзатычнага заапарка.
