Векавы юбілей Магілёўскага ўніверсітэта надоўга запомняць.
Сустрэча з Прэзідэнтам напярэдадні. Калёквіум адкрытасці, адкрыты ўрок шчырасці. Журналісты сёння спрабуюць падабраць найбольш дакладнае азначэнне. З аднаго боку, гэта было не інтэрв'ю, а менавіта гутарка. З другога, тэмы, якія прагучалі ў чацвер у МДУ імя Куляшова, тычыліся самых розных сфер, усіх нас. Таму і сёння - гэта адна з самых папулярных тэм.
Расказвае Сяргей Хамянтоўскі: У бібліятэцы Акадэміі кіравання ў Мінску гутарка толькі пра Магілёўскі дзяржуніверсіт. Учора Прэзідэнт быў там. А дзякуюць яму студэнты ўсёй краіны. І зайздросцяць куляшоўцам белай зайздрасцю. Вось так проста з Прэзідэнтам ледзь ці не за адной партай - дарагога каштуе.
У МДУ імя Куляшова Прэзідэнта чакалі. Нягледзячы на вялізную занятасць, мінскія саміты на носе, не прыехаць на векавы юбілей роднай ВНУ самы вядомы яго выпускнік проста не мог. З парога Аляксандру Лукашэнку сустракаюць знаёмыя выкладчыкі і аднакурснікі - выпускнікі гістарычнага факультэта 1975 года.
Акунуўшыся ва ўспаміны, Прэзідэнт паспяшаўся да будучыні сваёй краіны. Сотні студэнтаў чакалі калёквіум з яго ўдзелам. Успаміны аб вучобе і сталенні зблізілі два пакаленні. Мабыць, шматлікае, аб чым гаварыў гэтым разам Прэзідэнт, агучвалася ім упершыню.
Дзве гадзіны аб дзяржаўным і асабістым. У сяброўскім дыялогу было ўсё. Тэма пошуку нацыянальнай ідэі гучала асабліва ярка. Прэзідэнт пераканаўча гаварыў аб непахіснасці прынцыпу незалежнасці краіны. Аўдыторыя разумела, Беларусь - гэта назаўжды.
Хочаш зразумець моладзь - гавары з ёй на адной мове. Гэты прынцып на практыцы пацвердзіў Прэзідэнт. Развітваючыся, куляшоўцы паднеслі знакамітаму выпускніку альбом і кнігу, выпушчаныя да 100-годдзя МДУ. Прэзідэнт у адказ падарыў сваю ручку. Яна ўжо ў музеі ўніверсітэта, побач з залікоўкай студэнта Аляксандра Лукашэнкі.
