Колькасць кіберзлачынстваў, зарэгістраваных беларускімі праваахоўнікамі, вырасла больш чым на 50 %. Гэта напярэдадні заявілі прадстаўнікі МУС. Такую тэндэнцыю спецыялісты тлумачаць ростам інфармацыйных тэхналогій.
Адно з самых распаўсюджаных злачынстваў у Сетцы - крадзеж з дапамогай камп'ютарнай тэхнікі, а таксама ўзлом акаўнтаў. Адзначаецца, што гэта сусветная тэндэнцыя. А ўкараненне безнаяўных разлікаў (рознага роду тэхналогій) дазваляе і зламыснікам завалодаць канфідэнцыяльнай інфармацыяй і персанальнымі звесткамі. У сувязі з гэтым ужо ў красавіку плануецца ўвесці на разгляд парламента законапраект аб персанальных звестках.
Вадзім Іпатаў, дырэктар Нацыянальнага цэнтра заканадаўства і прававых даследаванняў Беларусі: "Праект закона аб персанальных звестках з'яўляецца цэласным сістэмным дакументам. Ён рэгулюе пытанні, пачынаючы ад тэрміналагічных, якіх у нас сёння няма ў заканадаўстве. Ён дакладна вызначае, што такое персанальныя звесткі, ён вызначае правілы гульні для ўсіх суб'ектаў збору, апрацоўкі, перадачы персанальных звестак, ён дакладна агаворвае нашы з вамі правы".
Таксама адзначаецца, што з верасня ў Акадэміі МУС будуць рыхтаваць спецыялістаў па барацьбе са злачынствамі ў сферы высокіх тэхналогій. Адпаведны курс раскажа, што такое кіберзлачынства, як яго выявіць і якія меры трэба прымаць, каб злавіць злачынца з Сеткі.
