У католікаў сёння Куцця - ноч перад Раством Хрыстовым. Гэта галоўная падзея ў хрысціянскім календары, яму папярэднічалі 4 тыдні адвэнту. Па традыцыі, у гэты час вернікі наведваюць перадсвяточныя набажэнствы і ачышчаюцца духоўна. Праўда, 2020-ы змяніў звыклыя традыцыі. Фактычна па ўсіх парафіях сустрэчы адмяніліся з-за пандэміі. Каталіцкія служыцелі выпусцілі дэкрэт, у якім рэкамендуюць паберагчы сваё здароўе ў гэты няпросты час. Прапаноўваюць далучыцца да Святой Імшы анлайн і правесці святочыя вячэры дома, разам з сям'ёй.
Прамая трансляцыя набажэнства ў 21:45 на "Беларусь 1" і "Беларусь 24"
Традыцыйныя трансляцыі Святой Імшы правядуць тэлеканалы "Беларусь 1" і "Беларусь 24". Сігнал святочнай падзеі - з магілёўскага кафедральнага сабора Успення Прасвятой Дзевы Марыі. А за 15 хвілін да паўночы беларусы змогуць далучыцца да набажэнства ў Ватыкане з удзелам Папы Рымскага.
