Эканамічны эфект ад працы першага энергаблока БелАЭС ацэньваецца на мільярд рублёў. Гэта сёння заявіў міністр энергетыкі Віктар Каранкевіч. Зараз першы энергаблок знаходзіцца на планава-папераджальным рамонце да ліпеня. Працы праводзяцца на атамных станцыях штогод. Што датычыцца другога энергаблока, яго будаўнічая гатоўнасць - 96 %. БелАЭС дае добры імпульс для развіцця ў нашай краіне электратранспарту. Колькасць такіх аўто ў Беларусі ўжо перавысіла 10 тысяч.
Дзень электратранспарту прайшоў сёння на пляцоўцы ля Нацыянальнай бібліятэкі. Выстава сабрала каля двух дзясяткаў кампаній. Прадстаўнікі прамысловага комплексу і навуковых арганізацый прапанавалі і айчынныя распрацоўкі.