Беларускія канікулы працягваюцца для дзяцей, якія прыбылі да нас на аздараўленне з Данбаса. 15 хлопчыкаў і дзяўчынак з асаблівасцямі псіхафізічнага развіцця ўжо другі тыдзень знаходзяцца ў Рэспубліканскай дзіцячай бальніцы медыцынскай рэабілітацыі. Акрамя лячэбных працэдур, заняткі для душы, увага і цеплыня персаналу. І сёння дзеці прымалі гасцей з падарункамі. Святлана Чарнова працягне.
Аздараўленне дзяцей з Данбаса
Марына Якіменка прыехала на аздараўленне ў Беларусь з Данбаса з двума дзецьмі. Малодшаму 3, старэйшай Яраславе 15. Стральба і выбухі, школьнае бамбасховішча - гэта тое, што дзяўчынка найярчэй запомніла са свайго жыцця. Апошнія 8 гадоў наклалі свой адбітак на дзіцячы светапогляд.
Тут, у Рэспубліканскай дзіцячай бальніцы медыцынскай рэабілітацыі дзеці з Данбаса адчуваюць сябе як дома. Пра тое, што адбываецца там, у роднай краіне, пакуль не думаюць. Аздараўленне для цела і душы арганізавана пры падтрымцы дабрачыннага фонду імя паралімпійца Аляксея Талая. Да флэшмобу дапамогі (за што нястомна гавораць дзякуй госці з Данбаса) падключаецца ўсё больш беларусаў. І сёння ў дзяцей зноў прыемная сустрэча.
Сяброўства не ведае меж
І куды ж без доўгачаканых падарункаў. Чыгунка, канструктар, размалёўкі і блакноты - тое, што заказвалі дзеці індывідуальна, дастаўлена да пункта прызначэння. Вось яно, дзіцячае шчасце.
Канікулы для гэтых хлопчыкаў і дзяўчынак прадоўжацца да 10 красавіка. Ужо на аздараўленне да нас рыхтуецца новая група. Паправіць здароўе і адчуць клопат і цяпло беларусаў прыедуць дзеці-сіроты і дзеці з вызваленых тэрыторый. Усё ж сяброўства не ведае меж.
