Сёння, мабыць, самы клапотны дзень для мужчын і самы доўгачаканы для жанчын. Хлопцы ламаюць галаву, як жа выбраць небанальны і прыемны падарунак для дзяўчат. І на першым месцы рэйтынгу сюрпрызаў менавіта кветкі. І толькі потым парфумерыя і касметыка. Да святаў толькі ў Мінску вырасцілі больш як 150 000 руж і цюльпанаў. На сувязі са студыяй з кветкавага магазіна наш карэспандэнт Дзмітрый Цітоў (прамое ўключэнне).
У Мінску і па ўсёй рэспубліцы афіцыйна стартаваў гандлёвы марафон. Толькі ў сталіцы функцыянуюць больш за 300 аб'ектаў па продажы кветак. Таксама арганізаваныя часовыя кветкавыя паляны. Выгаду ад продажаў магазіны змогуць падлічыць толькі да канца тыдня, але, паводле папярэдніх звестак, мужчыны купяць кветак прыкладна на 20 мільёнаў долараў.
З пачатку сакавіка, як правіла, рэалізоўваюць у 10 разоў больш за звычайнае. Прыкладна ў столькі разоў больш і мужчын-пакупнікоў. Некаторыя пункты сёння працуюць з 7 раніцы. Прадаўцы ўжо задаволеныя рэалізацыяй.
Калі летась у нашых цяпліцах да свята вырасцілі каля мільярда раслін, то ў гэтым селекцыянеры пайшлі на рэкорд і дасягнулі лічбы на паўтара мільярда.
Сацыяльныя сеткі не маглі абысці ўвагай 8 Сакавіка пасля пастоў 23 Лютага. Дарэчы, не забываць пра свята заклікаюць нават супергерояў. А на тэму вялікага попыту на кветкі грамадскасць адрэагавала вось такім мемам. Загаловак: "Сёння ва ўсіх кветкавых магазінах краіны". Таксама ў трэндзе тэма шкарпэтак і дэзадарантаў - вось такі мужчынскі адказ у стужцы навін.
У Інтэрнэце правялі эксперымент. Колькі прастаяць нашы і імпартныя кветкі? Без аспірыну. Беларускія ружы і цюльпаны ў пераходзе. Па традыцыі тут кветкі - адны з самых танных. А вось галандскія гатункі з гандлёвых цэнтраў. Амаль тыдзень трываласці - і перамога за плёнам працы айчынных кветкаводаў.
З нашых назіранняў, на вуліцах горада пераважна мужчыны. Кветкавыя крамы, натуральна, асноўнае месца іх збору. Пра сабекошт кветак прадаўцы маўчаць, але сярэднюю цану на цюльпаны падлічыць нескладана - 20 000 за адну штуку. У два разы даражэйшая ружа. Плюс маса акцый і скідак для тых, хто бярэ вялікія букеты. І яшчэ адзін плюс. Сёння, паводле прагнозаў, самы цёплы дзень на гэтым тыдні.
