У розных тэлеграм-каналах з'яўляецца інфармацыя з заклікамі спыніць цэхі. На працаўнікоў прадпрыемства аказваецца ціск. А прасцей за ўсё - займацца падбухторваннем, калі не ўсвядоміш, да чаго гэта ўсё можа прывесці. "Гродна Азот" - адно з найбуйнейшых прадпрыемстваў-экспарцёраў краіны. Больш як 7 тысяч працаўнікоў. Выпусканая прадукцыя звязаная з пэўнымі хімічнымі рэакцыямі і тэхналагічнымі працэсамі. Невыкананне тэхналогій або спыненне некаторых цэхаў можа прывесці да вялікіх праблем.
Прадпрыемства працуе ў штатным рэжыме
Трэба адзначыць: прадпрыемства працуе ў штатным рэжыме. Выконваюцца ўсе кантракты, прадукцыя экспартуецца на замежныя рынкі. Рэалізуецца і новы інвестпраект - будаўніцтва новага азотнага комплексу.
