Апынуцца ў палаючым памяшканні і прымерыць форму ратавальнікаў розных часоў прапануюць на інтэрактыўнай экспазіцыі. На двух паверхах аднаго з найстарэйшых пажарных дэпо 5 тысяч экспанатаў, большасць з якіх былі сабраныя супрацоўнікамі і ветэранамі МНС. Некаторыя экземпляры знаходзілі ў самых нечаканых месцах. Напрыклад, ручная пажарная помпа канца XIX стагоддзя была прывезена з адной з раённых фабрык.
Убачыць усю рэтраспектыву пажарнай справы ў нашай краіне і прасачыць за тым, як мянялася аснашчэнне выратавальных пунктаў у музеі можна штодня, акрамя выхадных. Экскурсіі бясплатныя.