І. Карпенка: Інтэграцыя адукацыйных сістэм - сусветная тэндэнцыя

Інтэграцыя адукацыйных сістэм - гэта сусветная тэндэнцыя, якая дазваляе ўмацоўваць гандлёва-эканамічныя і палітычныя адносіны паміж краінамі. Такое меркаванне выказаў Ігар Карпенка падчас пленарнага пасяджэння на Міжнародным адукацыйным форуме адзінства замежных выпускнікоў беларускіх (савецкіх) ВНУ і краін СНД. Па словах міністра адукацыі, зараз замежныя дзяржавы зацікаўлены ў тым, каб тыя спецыялісты, якія ўжо падрыхтаваны ў беларускіх ВНУ, маглі сюды вярнуцца павысіць сваю кваліфікацыю і атрымаць удасканаленую дадатковую падрыхтоўку. 

Сур'ёзная ўвага таксама надаецца практыкаарыентаванай падрыхтоўцы. А для гэтага ў нас ёсць філіялы кафедр на вытворчасцях у рэальных умовах гаспадарання. Дарэчы, сёння ў Беларусі атрымліваюць адукацыю парадку 27 тысяч замежных студэнтаў з 109 краін свету.