Смяротная аварыя пад Полацкам. Пасля сутыкнення грузавога Mercedes з маршруткай загінуў пасажыр. Яшчэ чацвёра дастаўлены для агляду ў Полацкую цэнтральную гарадскую бальніцу. На месцы здарэння працуе следча-аператыўная група і супрацоўнікі ДАІ. Як паведамляецца, інцыдэнт адбыўся каля 7 гадзін раніцы ў вёсцы Ахотніца. Паводле папярэдняй інфармацыі, 34-гадовы вадзіцель фургона выехаў на паласу сустрэчнага руху, дзе сутыкнуўся з пасажырскім мікрааўтобусам. У выніку ДТЗ 46-гадовы жыхар Наваполацка загінуў. Высвятляюцца ўсе акалічнасці і прычыны здарэння.
