Акрамя Мінска, дзень нараджэння сёння святкуе яшчэ адзін горад Беларусі. Гродна - 895 гадоў! Фестываль вулічнага мастацтва, модныя паказы пад адкрытым небам, свята кветак і выступленні клубаў рэканструктараў. Пад урачыстасці адвялі ўвесь гістарычны цэнтр горада. Дэвіз свята - "Гродна - адна сям'я". Дзіцячыя і сямейныя інтэрактыўныя лакацыі размясціліся ў цэнтральным гарадскім парку. Тут жа праходзіць пленэр юных мастакоў. А яшчэ свята абяцае стаць самым музычным. Адразу на некалькіх сцэнічных пляцоўках у рэжыме нон-стоп выступаюць лепшыя артысты і калектывы абласнога цэнтра.
Урачыстасці ў Гродне будуць працягвацца да позняга вечара, а апоўначы неба над горадам раскрасіць святочны феерверк.
