Кіраўнік Адміністрацыі Прэзідэнта наведаў Беларускі інстытут стратэгічных даследаванняў

Ігар Сергеенка азнаёміўся з дзейнасцю БІСД, а таксама з яго інфармацыйна-тэхналагічнай інфраструктурай. Першая айчынная "фабрыка думкі" была створана год таму па ініцыятыве нашага Прэзідэнта і ўжо паспела сябе зарэкамендаваць - беларускія аналітыкі актыўна супрацоўнічаюць з калегамі з больш як 15 краін свету. БІСД ажыццяўляе маніторынг навінавых рэсурсаў, сацыяльных медыя. Нагадаем, да канца бягучага года на рынку павінен пачаць працаваць незалежны вымяральнік телэглядзення. Пакуль жа дадатковай крыніцай гэтай інфармацыі для рэкламадаўцаў з'яўляецца менавіта аналітычны прадукт БІСД. 

Ігар Сергеенка, Кіраўнік Адміністрацыі Прэзідэнта Беларусі: "Інстытут працуе па розных кірунках і ў інфармацыйнай сферы ажыццяўляе маніторынг СМІ, праводзіць сацыялагічныя даследаванні па канкрэтных палітычных праблемах. Сёння той прадукт, які ствараецца ў БІСД, запатрабаваны дзяржаўнымі органамі ў Рэспубліцы Беларусь, улічваецца пры прыняцці кіраўніцкіх рашэнняў".

Таксама Ігар Сергеенка пагаварыў з калектывам БІСД і павіншаваў з першым паспяховым годам працы. Асобныя супрацоўнікі атрымалі дыпломы і падзякі.