Генпракуратура нагадвае, што публічныя паклёп і абразы ў Сетцы праследуюцца па законе

Генеральная пракуратура сёння звярнула ўвагу на той факт, што апошнім часам шмат зваротаў у міліцыю, калі людзі скардзяцца на некарэктную крытыку, публічнае цкаванне, абразы і пагрозы ў іх адрас за ўсяго толькі выказванне сваёй пазіцыі па пытаннях грамадска-палітычнага жыцця. 

У ведамстве лічаць, што такая сітуацыя стала магчымая з-за памылковага ўспрымання інтэрнэту  як тэрыторыі ўсёдазволенасці, а ананімнага фармату зносін - як гарантыі беспакаранасці за дрэнныя дзеянні.

У перыяд выбарчых кампаній палеміка і абмен меркаваннямі дасягаюць асаблівага напружання, што ўласціва любой цывілізаванай дзяржаве. Аднак умовай вольнага выказвання меркаванняў служыць прытрымліванне культуры зносін, пры якой дыскусія або абмеркаванне не парушаюць межы закона. 

Публічныя паклёп, абразы ў інтэрнэце не толькі непрымальныя, але і праследуюцца па законе. За такія дзеянні могуць наступаць адміністрацыйная, грамадзянска-прававая і крымінальная адказнасць. Распаўсюджванне загадзя хлуслівых звестак у СМІ, якія няславяць іншую асобу, альбо паклёп, што змяшчае абвінавачанне ва ўчыненні цяжкага і асабліва цяжкага злачынства, караюцца апроч штрафу арыштам або абмежаваннем волі на тэрмін да 3 гадоў.