Любімыя песні пад акампанемент сімфанічнага аркестра. Узда прымае музычнае свята, прымеркаванае да Дня народнага адзінства. Фестываль "Мелодыі ўздзенскай восені" ўжо стаў добрай традыцыяй і збірае прыхільнікаў пяты раз. Нязменным застаецца і тое, што завяршае свята мастацтваў канцэрт Нацыянальнага акадэмічнага канцэртнага аркестра імя Фінберга.
Для заслужанага калектыву гэты канцэрт знакавы. Штогод менавіта "Мелодыі ўздзенскай восені" адкрываюць гастрольны марафон фестываляў па цэнтральным рэгіёне.
