Эстафету рэспубліканскага аўтапрабегу "Сімвал адзінства" сёння прымае Мінская вобласць.
Старт быў дадзены гэтай раніцай у Любанскім раёне ў мемарыяльным скверы ў гонар герояў-вызваліцеляў нашай радзімы ад нямецка-фашысцкіх захопнікаў. Удзельнікаў аўтапрабегу мясцовыя жыхары прынялі гасцінна і паводле традыцыі перадалі збожжа новага ўраджаю як сімвал народнага адзінства.
Затым "Патрыётаў Беларусі" маршрут прывёў у Старыя Дарогі. Там ля Вечнага агню прайшоў памятны мітынг. Эстафету адзінства падхапілі ў Капылі і Слуцку. Там удзельнікі маштабнага аўтапрабегу ўшанавалі памяць загінуўшых падчас Вялікай Айчыннай вайны і ўсклалі кветкі да Магілы Невядомага Салдата.
Далей па маршруце - наведванне памятных месцаў і абеліскаў у Салігорскім, Клецкім, Нясвіжскім раёнах. Марафон праходзіць па ўсіх рэгіёнах краіны і аб'ядноўвае беларусаў у рамках Года і Дня народнага адзінства.