Бяспека ў рэгіёне - адна з ключавых тэм гэтага тыдня. Напружанае становішча не толькі па нашым знешнім контуры, але і ў цэлым у рэгіёне абавязвае трымаць руку на пульсе.
Прыярытэт - бяспека
У гэтых пытаннях Беларусь заўсёды займае актыўную пазіцыю. Афіцыйны Мінск старшынствуе ў АДКБ, і ў такі няпросты час наша краіна гатова каардынаваць работу ў ваенна-палітычным блоку.
Натуральна, пытанні бяспекі былі ў цэнтры ўвагі на перамовах у Сочы Аляксандра Лукашэнкі і Уладзіміру Пуціна. І размова не толькі наконт ваеннай бяспекі. Санкцыі сталі глабальнай зброяй. Беларускі лідар перакананы: нам важна выпрацаваць праграму дзеянняў - так званы план унутранага развіцця Саюзнай дзяржавы, каб забяспечыць самадастатковасць і не азірацца ні на Захад, ні на Усход. Ужо зараз Аляксандр Лукашэнка называе беларуска-расійскія адносіны стрыжнем ЕАЭС і СНД.
Час аб'ядноўвацца і дзейнічаць
Эксперты адзначаюць дыпламатычнасць беларускага Прэзідэнта ў такіх няпростых для рэгіёна пытаннях і дальнабачнасць саюзнай палітыкі.
Кіраўнік дзяржавы дакладна расставіў акцэнты - зараз час аб'ядноўвацца і дзейнічаць. Менавіта ў такія перыяды гісторыі, калі прымаюцца спробы разбурыць адзінства і ўзмацніць залежнасць ад знешніх гульцоў, важна быць разам. І як бачым на практыцы, санкцыі толькі ўмацоўваюць беларуска-расійскія сувязі. Мы больш раскрываем тэхналагічны патэнцыял, развіваем кааперацыю і пачынаем новыя праекты. Вядома, не без цяжкасцяў. Але гэта хутчэй не праблемы, а эканамічныя пытанні, якія трэба вырашаць.
Вадзім Баравік, палітолаг:
Лідар Беларусі гаворыць аб тым, што нельга паддавацца знешняму націску, які вядзе да страты суверэнітэту і дзяржаўнасці. Вось пра гэта ідзе размова. І таму тут у нас дастаткова сіл. Мы ў гэтым саюзе Расіі і Беларусі шмат у чым паказваем адзін вельмі важны момант, што вось у такія ліхія часы, калі кінуты выклік існаванню нашых дзяржаў, мы маем магчымасць аказаць адно аднаму падтрымку не толькі ваенна-тэхнічнага характару, але і эканамічнага, сацыяльнага.
Аляксей Зубец, дырэктар Інстытута сацыяльна-эканамічных даследаванняў Фінансавага ўніверсітэта пры Урадзе Расіі:
Ёсць два шляхі: альбо нашы краіны ператвараюцца ў палітычныя, эканамічныя калоніі калектыўнага Захаду, і гэта прыводзіць да страты ўзроўню жыцця і дабрабыту, альбо гэта супрацьстаянне. Тыя, хто можа супрацьстаяць націску, маюць шанцы на росквіт і далейшае развіццё. Лёс жа тых, хто не можа супрацьстаяць, хто страціў здольнасць да супрацьстаяння і працягу ўласнай незалежнай палітыкі, незайздросны. Таму на сённяшні дзень дабрабыт нашых краін прама залежыць ад таго, у якой ступені ўрады нашых дзяржаў знойдуць самастойны, суверэнны шлях далейшага развіцця.
Пытанні эканомікі і бяспекі Саюзнай дзяржавы
На парадку перамоў Аляксандра Лукашэнкі і Уладзіміра Пуціна ў Сочы быў блок актуальных пытанняў двухбаковага ўзаемадзеяння. Дадаліся новыя пагрозы, звязаныя з ваенна-палітычным становішчам. У цэлым, па словах расійскага Прэзідэнта, сітуацыя стабільная. Што да размяшчэння расійскай ядзернай зброі ў Беларусі, яно пачнецца ў пачатку ліпеня (адразу пасля завяршэння падрыхтоўкі спецыяльных збудаванняў).
