Драматычны батл у Купалаўскім. Дыпломы Нацыянальнай тэатральнай прэміі яшчэ не падпісаны. Тым часам у філармоніі - варыяцыі Брамса агучыць расійская піяністка Ада Гарбунова. У якой з карцінных галерэй - прэм'ера? Даведаемся ў рубрыцы "Праменад".
Нацыянальная тэатральная прэмія рэфармаціравала афішу Купалаўскага. На класічнай драмсцэне - большая частка спектакляў, якія ўвайшлі ў рэспубліканскі конкурс. На ацэнку гледачоў - 32 пастаноўкі ад 20 тэатраў краіны. Заўтра - чарга Магілёва мінскіх эстэтаў здзіўляць. Вязуць "Магілу льва".
Хто мы і куды зараз ідзём? Безупынныя пытанні на "паразважаць" - ад Янкі Купалы і яго гістарычнай паэмы. Хутка год, як лялькі і акцёры з ідэі рэжысёра Марыі Гуцавай распавядаюць твор са сцэны. У дапамогу лён і дрэва. Нацыянальныя няштучныя дэкарацыі. І песні... Быццам у спрадвечную вёску трапляеш.
Спектаклі, што трапілі ў шорт-ліст прэміі, пра самасвядомасць праз прызму беларускай класікі, памяць аб Вялікай Айчыннай, любоў да Радзімы. Прагляд да 18 лістапада. А ў гэтыя хвіліны ўсе авацыі Купалаўскага - народнай Зубковай. Сёння прыме тэатра "15 гадоў да стагоддзя". У яе гонар - дудараўскі "Вечар".
Тым часам вынікі міжнароднага мастацкага пленэру дэманструюць у Мастацкім. Унутры, як у царкве, лікі Ефрасінні Полацкай. Святую пісалі мастакі Беларусі, Расіі і Малдовы.
Стварылі паўсотні твораў. Сюжэты, пейзажы, сімвалы... Дзе чырвонай стужкай - жыціе Ефрасінні Полацкай. Пленэр не толькі для дэбютантаў. Разважалі Глеб Отчык, Галіна Конанава, Юрый Язан. Яны ў дуэце з дзіцячымі малюнкамі.
Дапаўняюць такі візуальны аповед факсімільныя выданні пра Ефрасінню Полацкую і галаграфічны Крыж Прападобнай.
Праз гадзіну ў Белдзяржфілармоніі раскідаюць "жамчужыны" з гісторыяй у тры стагоддзі. Класіка Моцарта і Гайдна - у агучванні сімфанічнага аркестра. Але ідзём нетрадыцыйна ў залу галоўную. Мелодыі стануць бліжэйшымі дзякуючы камернай зале.
Маэстра Анісімава не пабачым. Ён перадаў дырыжорскія абавязкі Валерыі Рыбінскай. Яна сёння ажыццяўляе сімфонію рэ мажор і канцэрт до мажор для фартэп'яна. А вакальная лірыка з папкі "адборнае" - ад сапрана Крыкуновай. Яна вучыць маладых оперных выканаўцаў,і сёння майстар-клас.
Сачыць за рэпетыцыямі прэм'ер і анонсамі экспазіцый вы можаце кожную раніцу на тэлеканале "Беларусь 1". Больш культурных явак і арт-пароляў - на сайце Белтэлерадыёкампаніі.
