Ёсць такая добрая традыцыя - дапамагаць тым, хто асабліва ў гэтым мае патрэбу. Тым больш да новага навучальнага года - сабраць дзяцей у школу. Грашовы сертыфікат, а яшчэ канцылярскія прылады, салодкія падарункі ўручаны дому сямейнага тыпу Галіны Літвінавай і Святаслава Крываносава з Магілёва. Зараз тут выхоўваецца дзевяць дзяцей. Усе школьнікі. Падарункі - ад абласнога аддзялення Фонду міру і Адміністрацыі Кастрычніцкага раёна горада.
Галіна Літвінава, маці-выхавальнік дзіцячага дома сямейнага тыпу:
Калі дапамагаюць і не забываюць - гэта вельмі прыемна. Вядома, Фонду міру ўдзячная. Нават вось, калі паглядзець, якая ў нас шыкоўная кухня - гэта ж нам падарыў Фонд міру. Вельмі добрая дапамога, дзякуй людзям.
Андрэй Нікіцін, старшыня ўпраўлення Магілёўскага абласнога аддзялення Беларускага фонду міру:
Фонд міру накіраваў ужо больш як 50 тысяч рублёў - менавіта зараз, у час падрыхтоўкі да новага навучальнага года ва ўстановы адукацыі, каб нашы дзеці вучыліся у добрых умовах.
Пад пастаяннай апекай Фонду міру толькі ў Магілёўскай вобласці ў рамках Рэспубліканскага праекта "Мой мірны дом" знаходзіцца 25 дамоў сямейнага тыпу.
