Стэрэамалюнак, аб'ёмны гук і пашыраны пакет каналаў. Зараз зона пакрыцця лічбавым сігналам складае 98,1%. А ўжо да мая наступнага года дасягне 100%. Дваццаць пяць станцый з аналагавым сігналам ужо выведзеныя з эксплуатацыі. 17 яшчэ трэба дэманціраваць. Сёлета планавыя работы ўжо праводзіцца не будуць. А ў студзені наступнага года лічба з'явіцца ў Капыле, Мядзелі і Смаргоні. Пра новыя магчымасці лічбы ў рэпартажы Дзмітрыя Цітова.
Наладзіць тэлевізар на новы стандарт можна ў любога карыстальніка! Нягледзячы на тое што зона пакрыцця лічбавым сігналам 98,1% у краіне.
Сацыяльны пакет з 8 каналаў будзе даступны і на непраходным Палессі. Калі ёсць электрычнасць, дэцыметровая антэна і спецыяльная прыстаўка. У гарадах кабельныя аператары ўжо перайшлі на лічбу аўтаматычна, а ўсе сучасныя тэлевізары першапачаткова гатовыя да прыёму сігналу.
Лічбавы фармат вяшчання адкрывае новыя магчымасці для карыстальнікаў: 3D-тэхналогіі, FULL HD відэа і аб'ёмны гук. Беларусь цалкам пяройдзе на лічбу да чэрвеня 2015 года.
Паводле міжнароднай канвенцыі, падпісанай у Жэневе ў 2006 годзе, усе еўрапейскія краіны да лета 2015 года павінны адключыцца ад аналагавага сігналу. Малдова адным націскам кнопкі пяройдзе на новы сігнал у маі. Беларусь вылучыла паэтапнае адключэнне. Дваццаць пяць станцый ужо выведзеныя з эксплуатацыі. 17 яшчэ трэба дэманціраваць.
Сёлета планавыя работы праводзіцца не будуць. А ў наступным годзе адразу пасля старога Новага года аналагавы сігнал заменяць на лічбавы ў Капыле, Мядзелі і Смаргоні.
Лічбавы сігнал нават за горадам будзе працаваць лепш за аналагавы. У сацыяльны пакет новага стандарту ўваходзяць 8 тэлевізійных праграм. Каля 40000 карыстальнікаў падлучыліся і на камерцыйны, дзе больш за 40 каналаў. Прыстаўкі для падлучэння лічбавага сігналу ў большасці выпадкаў ад беларускага вытворцы. Кошт іх у некалькі разоў меншы за імпартныя. А пры падлучэнні дадатковых ТБ-каналаў у правайдара прыладу даюць бясплатна на час карыстання.
Леанід Вайцяшонак, галоўны інжынер Беларускага радыётэлевізійнага перадавальнага цэнтра: Для пакрыцця краіны да ста працэнтаў тэлевізійным вяшчаннем будуць пабудаваныя яшчэ новыя станцыі, дзе ўжо няма аналагу - будзе толькі лічба.
На сёння ўсе абласныя цэнтры адключаныя ад аналагу. І ўжо праз паўгода Беларусь цалкам пяройдзе на лічбавае тэле- і радыёвяшчанне.
Апошнюю станцыю адключаць у Калодзішчах. Аналагавы сігнал заменяць на лічбавы, як і на ўсіх папярэдніх аб'ектах, позна ўначы. Каб не даставіць тэлегледачам нязручнасцяў.
