Многія месяцы нашы вайскоўцы трэніраваліся на тэрыторыі сваіх часцей, палігонах і ў сталіцы. Па традыцыі адкрываць урачыстае мерапрыемства будуць самыя юныя ўдзельнікі - барабаншчыкі сувораўскага вучылішча. 64 чалавекі зададуць тэмп усім парадным разлікам (а гэта 25 пешых каробак) агульнай колькасцю каля 4 000 чалавек. Сёння ў Мінску пройдзе генеральная рэпетыцыя парада. Пачнецца яна ў 21:00.
Па праспектах і вуліцах горада праедзе калона ваеннай тэхнікі, таму рух транспарту ў сталіцы будзе абмежаваны. Механізаваная калона пачне рух у 18:00 па маршруце вуліца Старынаўская - праспект Незалежнасці - праспект Машэрава. Па меры праходжання тэхнікі ўчасткі дарог ізноў будуць адкрыты для руху. Генеральная рэпетыцыя будзе праходзіць па традыцыі ля стэлы "Мінск - горад-герой". Плануецца некалькі прагонаў. Пасля заканчэння трэніроўкі тэхніка будзе вяртацца па маршруце Машэрава - Ціміразева - Сапёраў - праспект Пераможцаў - Арлоўская - Сурганава - праспект Незалежнасці - Старынаўская.
