Палата прадстаўнікоў сёння прыняла шэраг законапраектаў, накіраваных на гарантаванне нацыянальнай бяспекі і абарону грамадскага парадку. Згодна з законам аб масавых мерапрыемствах, яны могуць праводзіцца выключна з дазволу мясцовых органаў улады. Забараняецца асвятленне ў СМІ і інтэрнэце ў рэжыме рэальнага часу масавых мерапрыемстваў, якія праводзяцца з парушэннем вызначанага парадку, з мэтай іх папулярызацыі або прапаганды. Сёння таксама прынятыя папраўкі ў законы аб процідзеянні экстрэмізму. У першым чытанні дэпутаты разгледзелі змяненне кодэксаў па пытаннях крымінальнай адказнасці. Плануецца ўзмацніць пакаранне за паклёп, нявыплату падаткаў і знявагу дзяржсімвалаў.
Папраўкі ў законы аб адвакацкай дзейнасці
Сёння ж Палата прадстаўнікоў падтрымала папраўкі ў законы аб адвакацкай дзейнасці. Выключаецца патрабаванне аб абавязковай наяўнасці ў асобы, якая плануе стаць адвакатам, трохгадовага стажу працы па спецыяльнасці. У той жа час прапаноўваецца скасаваць дзейнасць адвакатаў у складзе адвакацкіх бюро і індывідуальна. Адзінай арганізацыйнай формай будуць юрыдычныя кансультацыі.Гераізацыя нацызму - пад забаронай
І яшчэ адно важнае рашэнне - у другім чытанні прыняты законапраект аб недапушчэнні рэабілітацыі нацызму. У дакуменце прапісана дакладная забарона на гераізацыю нацызму, яе фінансаванне, дзейнасць арганізацый, уключаючы замежныя, якія прапагандуюць гераізацыю нацызму, у тым ліку ў інтэрнэце.