У Беларусі адзначаюць Дзень юнага героя-антыфашыста. Гэта дзень памяці ўсіх дзяцей, якія змагаліся за мір і роўнасць на зямлі.
У памятную дату ў нашай краіне ўспамінаюць савецкіх хлопчыкаў і дзяўчынак, якія разам з дарослымі адстойвалі свабоду нашай Радзімы ў гады Вялікай Айчыннай. Марат Казей, Зіна Партнова, Валя Коцік і многія іншыя адважныя юныя героі аддалі свае жыцці за сённяшні мірны дзень і будучыню. Успомніць пайменна і ўшанаваць іх памяць хвілінай маўчання сабраліся ў Мінску піянеры-актывісты з усіх рэгіёнаў краіны.