Выдатны падарунак да Дня маці Музею Нацыянальнага алімпійскага камітэта паднесла чатырохразовая чэмпіёнка зімовых Гульняў Дар'я Домрачава. Дарэчы, летам яна другі раз стала мамай. Тытулаваная біятланістка перадала ў калекцыю свой першы залаты медаль. У музеі можна ўбачыць не толькі гэту ўзнагароду, але і іншыя значныя для гісторыі беларускага спорту трафеі. Напрыклад, сярэбраны ордэн МАК, медаль П'ера дэ Кубертэна і іншыя залатыя ўзнагароды нашых знакамітых алімпійцаў.
