Бальніца № 3 у Гродне вяртаецца да звычайнага графіка работы пасля лячэння пацыентаў з COVID. У асобым рэжыме клініка працавала з 1 кастрычніка, былі перапрафіляваны 4 аддзяленні на 230 ложкаў. На працягу гэтага часу дапамогу тут атрымалі больш за тысячу хворых на каранавірус. У апошнія дні такіх пацыентаў былі адзінкі.
25 студзеня 2-гі радзільны дом вернецца да планавага прыёму пацыентаў
Да звыклай працы вяртаецца і 2-гі сталічны радзільны дом. Чакаецца, што ўжо 25 студзеня тут зноў пачнуць прымаць будучых мам. Нагадаем, у канцы года гэтая ўстанова была перапрафілявана пад прыём пацыентаў з COVID. Зараз тут праходзіць маштабная санітарная апрацоўка. Дапамагаюць медыкам і вайскоўцы з батальёна радыяцыйнай, хімічнай і біялагічнай абароны.
