Выпрабаванне пачалося менш за гадзіну таму. На выкананне ўсіх заданняў абітурыентам даецца роўна тры гадзіны. Прадстаўнікі кантрольнай камісіі адзначаюць, што ўзровень складанасці заданняў не змяніўся. У цэлым у тых, хто праходзіць ЦТ, пытанняў узнікнуць не павінна. Па стане на гэтыя хвіліны ніякіх заўваг у камісіі не зафіксавана.
Наступнае тэсціраванне пройдзе ў Беларусі 22 чэрвеня. Здаваць будуць гісторыю Беларусі. У камісіі адзначылі, што з пачатку правядзення ЦТ сёлета адзінае парушэнне - гэта тое, што абітурыенты пранасілі ў аўдыторыі мабільныя тэлефоны, за што былі не дапушчаныя да здачы.
