Ахвочых прыняць удзел у клінічных выпрабаваннях апынулася нямала. Заяўкі падалі 4 тысячы чалавек. З іх выбралі 100. Гэта мужчыны і жанчыны ва ўзросце ад 18 да 60 гадоў. Галоўны крытэрый - пацыент ніколі не хварэў на каранавірус. Тыя, хто атрымаў прышчэпку, пад назіраннем правядуць 180 дзён.
Каб вызначыць клінічную эфектыўнасць прэпарата, адна частка падыспытных атрымае плацэба - рэчыва без лячэбных эфектаў, другой увядуць арыгінальны прэпарат. Суадносіны 25 на 75 працэнтаў. Адзначым, вакцына "Спадарожнік V" распрацаваная ў Нацыянальным цэнтры эпідэміялогіі і мікрабіялогіі Міністэрства аховы здароўя Расіі.
У Беларусі пачалося вакцынаванне добраахвотнікаў расійскай вакцынай ад каранавіруса "Спадарожнік V"
Папярэдне, па выніках расійскіх даследаванняў, вакцына можа фарміраваць імунітэт больш чым на 2 гады. Што датычыцца месцаў правядзення клінічных выпрабаванняў у Беларусі, вылучаныя 8 устаноў аховы здароўя. 6 з іх - у Мінску. Усе паліклінікі прайшлі маніторынг, яны прызнаныя прыдатнымі для ўдзелу ў даследаванні і атрымалі статус даследчых цэнтраў.
Беларусь стала першай краінай, у якой пачаліся даследаванні вакцыны пасля яе рэгістрацыі ў Расіі.
