Больш за 11 000 шматдзетных сем'яў Беларусі змогуць палепшыць свае жыллёвыя ўмовы

Да канца бягучага года такую дзяржпадтрымку атрымаюць яшчэ 4 000 чалавек. Галоўная ўмова - сем'і з трыма і больш дзецьмі павінны стаяць на ўліку як маючыя патрэбу ў паляпшэнні жыллёвых умоў.  

Іна Пінкоўская, начальнік аддзела Міністэрства архітэктуры і будаўніцтва Беларусі: "Сям'я, у якой трое дзяцей, за кошт уласных сродкаў аплачвае толькі 1 % гадавых, а шматдзетная сям'я, у якой чацвёра і больш непаўналетніх дзяцей, працэнты па крэдыце не аплачвае. Акрамя таго, шматдзетным сем'ям, якія атрымалі дзяржаўную падтрымку на ўмовах 13-га ўказа (льготны крэдыт), у наступным дзяржава аказвае падтрымку ў выглядзе фінансавай дапамогі ў пагашэнні гэтых ільготных крэдытаў". 

Вырашыць жыллёвае пытанне шматдзетная сям'я таксама можа з дапамогай звычайнага крэдыту. Пры наяўнасці траіх дзяцей дзяржпадтрымка пакрывае 95 % асноўнага доўгу, калі ў сям'і чацвёра і больш дзяцей, то 100 %. Яшчэ адна форма падтрымкі - сямейны капітал. З 1 студзеня яго можна будзе выкарыстаць датэрмінова.