Беларусь актыўна развівае супрацоўніцтва з Уладзімірскай вобласцю Расіі

Візіты расійскіх губернатараў у Беларусь прыносяць вялікую карысць. І чакаць доўга не прыходзіцца. Мяркуйце самі: у маі ў Палацы Незалежнасці пабываў Аляксандр Аўдзееў, кіраўнік Уладзімірскай вобласці. З Аляксандрам Лукашэнкам гаварылі аб тым, як узняць планку супрацоўніцтва. Прайшло ўсяго некалькі месяцаў, і нашы будаўнікі пачалі ўзводзіць школу ў Суздалі. На сёння гэта самы буйны аб'ект у рэгіёне.

І гэта толькі адзін з прыкладаў. Узаемны тавараабарот з пачатку года вырас ужо на траціну. Сфера агульных інтарэсаў шырокая: пастаўляем як камплектуючыя, так і гатовую тэхніку, а яшчэ запускаем сумесныя праекты з акцэнтам на імпартазамяшчэнне. І ўсё гэта з папраўкай на багатую гісторыю рэгіёна. Рэпартаж Антона Малюты. Падрабязнасці ў відэа.