У сталічны Свята-Духаў кафедральны сабор на сустрэчу з Мітрапалітам Паўлам запрасілі дзяцей з раёнаў і абласцей, пацярпелых ад аварыі на Чарнобыльскай АЭС.
Дабрачынная акцыя "Калядная ёлка - нашы дзеці" па традыцыі стартавала на Каляды. Менавіта так завуць 12 дзён пасля Раства. Дзеці падрыхтавалі Мітрапаліту Паўлу сувеніры, зробленыя ўручную. Не без дапамогі дарослых спяклі караваі паводле беларускіх рэцэптаў. Прэзентацыя кожнага з раёнаў прайшла ў суправаджэнні ансамбля народнай музыкі і песні з аграгарадка Парахонск Пінскага раёна. Калектыў выканаў палескі шчодрык на беларускай, рускай і ўкраінскай мовах.
За 24 гады акцыя аб'яднала 49 000 дзяцей. Пасля благаславення Мітрапаліта дзеці адправіліся ў цырк. Многія апынуліся ў Мінску ўпершыню. Курсанты Гомельскага кадэцкага вучылішча, юныя артысты ансамбляў і творчых калектываў, пераможцы алімпіяд сталі гледачамі зімовай пастаноўкі "Навагодняя казка".
