Напярэдадні ў Мінску сустрэлі дзіцячую дэлегацыю з Данецкай вобласці. Запрашэнне адпачыць і аздаравіцца прынялі паўтары сотні дзяцей з дзіцячых дамоў-інтэрнатаў, малазабяспечаных і сямей, якія пацярпелі падчас узброеных канфліктаў. Ініцыятарам прыезду стаў фонд Аляксея Талая, яго ідэю падтрымаў асабіста Аляксандр Лукашэнка.
Канцавым пунктам маршруту з больш як 50 гадзін стаў нацыянальны дзіцячы цэнтр "Зубраня". Найбліжэйшыя тры тыдні, акрамя забаў і аздараўлення, - у праграме паўнацэнны навучальны працэс.
Арганізатары дабрачыннай акцыі ўжо прадумалі і экскурсіі па знакавых для Беларусі славутасцях. Зубрацкая змена аб'яднае данецкіх дзяцей у адных атрадах з беларусамі.