Сёння беларускія дыпламаты адзначаюць знакавы юбілей - 95 гадоў з дня стварэння Народнага камісарыята па замежных справах. Гэты орган стаў прабацькам сучаснага МЗС, таму ўвага і павага да даты адпаведная. На мерапрыемстве ў Мінску сустрэліся ўсе кіраўнікі беларускага знешнепалітычнага ведамства, якія ў розныя гады служылі на карысць незалежнай Беларусі. Сустрэчу адкрылі ў знакавым месцы - цэнтры гісторыі дыпламатыі. Там жа цяперашняму міністру замежных спраў уручылі і талісман знешняй палітыкі - нагрудны знак Кузьмы Кісялёва, першага кіраўнікі МЗС Савецкай Беларусі. Аб пераемнасці традыцый - Аляксандр Савенка.
Стэлажы памяці - гэта 13 тысяч розных дакументаў і экспанатаў ад далёкага 1920 да сучаснасці. Пра людзей на фота яны чыталі ў падручніках - зараз кнігі пішуць пра іх. Дыпмісію ў такім складзе бачаць тут першы раз. Знакавая сустрэча тых, хто ствараў гісторыю ў цэнтры гісторыі дыпламатыі.
Кузьма Кісялёў, першы Міністр замежных спраў БССР: "Дазвольце вам перадаць нашу сямейную рэліквію і рэліквію наогул у цэлым МЗС. Гэта знак кіраўніка беларускай дэлегацыі на ўстаноўчай канферэнцыі ААН у 45-м годзе".
Васіль Кісялёў - сын першага Міністра замежных спраў БССР Кісялёва - гаворыць, што ў гэтага значка свая гісторыя. На ім выбіта: "Лондан, 1945 год". Хоць установачная канферэнцыя ААН насамрэч адбывалася ў Сан-Францыска. І гэта не памылка і не блытаніна. Такія значкі былі адлітыя спецыяльна, каб заблытаць нямецкую разведку. І гэта атрымалася.
Кузьма Кісялёў, першы Міністр замежных спраў БССР: "Беларускі народ паслаў сваю дэлегацыю на канферэнцыю ў Сан-Францыска з адзіным жаданнем - зрабіць свой унёсак у справу міру і арганізацыі будучай бяспекі".
Станоўчы імідж і надзейны партнёр. За ўсе гэтыя гады Беларусь стала вядомай ва ўсім свеце. Гэтакі брэнд пазітыўнасці. Краіна і сёння ўносіць значны ўклад ва ўмацаванне міжнароднай стабільнасці і бяспекі.
Уладзімір Макей, Міністр замежных спраў Беларусі: "Яшчэ адна мэта, чаму мы запрасілі ўсіх міністраў замежных спраў незалежнай Беларусі, каб сказаць ім дзякуй за іх уклад у станаўленне і ўмацаванне дзяржаўнасці на знешнепалітычнай, дыпламатычнай ніве".
Аўтарытэтам знешняй палітыкі ёсць чым падзяліцца з моладдзю. Спрытнасць перамоў, дакладнасць рашэнняў і вернасць службе - на кожную з якасцяў у дыпламатаў са стажам ёсць свая гісторыя, якую трэба захаваць і прадоўжыць. Зрэшты, вектар працы беларускіх дыпламатаў зададзены даўно.