Брэст і Маскву звязаў прамы авіямаршрут ад Белавія. Пералёт займае ўсяго 1 гадзіну 45 хвілін. Першы рэйс сустрэлі 3 красавіка па ўсіх традыцыях.
Пачатак палётаў выпаў на першыя дні красавіка - сімвалічна ў кантэксце святкавання Дня яднання двух братэрскіх народаў. Прамыя авіязносіны Брэст - Масква не толькі ўмацуе дзелавыя кантакты, але і адкрые новыя перспектывы для развіцця турызму і культурнага абмену. Геаграфія рэгіянальных палётаў будзе пашырацца.
"Безумоўна, не застанецца ў баку Віцебск - будуць рэйсы. У далейшым з аэрапортаў мы разглядаем магчымасці рэгулярных рэйсаў у кірунках Сочы, Грузія і іншыя. У найбліжэйшых планах - павелічэнне чартарных праграм з абласных цэнтраў. У Егіпет ужо лётаем з Гомеля і Віцебска. Будуць яшчэ Анталія, Турцыя з Брэста, Гомеля і Віцебска ў маі", - распавёў гендырэктар авіякампаніі "Белавія" Ігар Чаргінец.
З Брэста ў расійскую сталіцу і назад лётаць можна будзе два разы на тыдзень - у сераду і суботу на Эмбрайеры 175. Загрузка першага рэйса эканом-класа з Масквы была максімальнай. Частату палётаў, калі будзе попыт, павялічаць.
