Роўна 27 гадоў таму адбылася найбуйнейшая тэхнагенная катастрофа ў сусветнай гісторыі. Першы - самы жорсткі - удар прынялі на сябе персанал станцыі і пажарныя.
Галоўным героем так званай шарэнгі № 1 стаў Васіль Ігнаценка, імем якога названая адна з вуліц сталіцы. Ратавальнік пасмяротна ўзнагароджаны ордэнам Чырвонага Сцяга. Каля мемарыяльнай дошкі сёння сабраліся наследнікі героя - байцы МНС, курсанты Камандна-інжынернага інстытута, каб ушанаваць памяць тых, хто цаной свайго жыцця падарыў будучыню мільёнам людзей.
Памятныя мерапрыемствы сёння праходзяць па ўсёй Беларусі. У праваслаўных і каталіцкіх храмах служаць набажэнствы аб загінуўшых і пацярпелых у выніку аварыі на ЧАЭС.
