Аўтобус, які збірае ідэі і вынаходкі юных кулібіных і мічурыных. Акцыя праходзіць у рамках праекта 100 ідэй для Беларусі. Транспарт для інтэлектуалаў калясіць па сталіцы і збірае самыя вынаходлівыя і амбіцыйныя праекты навучэнцаў.
У задумкі ўнікала Таццяна Есаулава.
Навошта ідэі лунаць у паветры, калі ёсць магчымасць увасобіць яе ў жыццё. Вучні 61-й гімназіі Андрэй Бабраўнічы і Герман Болтуць часу не марнавалі, іх праектам па вырошчванні каштоўнай расліны амарант ужо зацікавіліся беларускія навукоўцы. Гэтую культуру эксперты ААН уключылі ў асноўную базу харчавання насельніцтва планеты ў 21 стагоддзі. А юныя вынаходнікі з Мінска прапанавалі, як яе можна выкарыстоўваць у касметалогіі і харчаванні.
У аўтобус ідэй народная сцежка не зарастала. Вучні - народ цікаўны, таму кожнаму хацелася зазірнуць у салон. Для іх дэманстравалі залатую сотню праектаў Сто ідэй для Беларусі. А таксама прапанавалі паламаць галаву над пазламі. Ну, а тыя, хто прыйшоў не толькі на іншых паглядзець, але і сябе паказаць, змаглі пакінуць свае праекты ў скарбонцы ідэй.
Як сцвярджаюць арганізатары праекта, яны пасрэднікі паміж юнымі геніямі і тымі, хто гатовы гэтыя ідэі рэалізаваць. Большая частка таго, што запланавана ў залатой сотні, ужо ў стадыі распрацоўкі. На чарзе новыя вынаходкі, а значыць пошук талентаў прадоўжыцца.
Літаральна за месяц акцыя Ідэя бус сабрала ад мінскіх школьнікаў больш за 60 праектаў, 15 з іх ужо рэалізоўваюцца. Гэта Утульны дом, спартыўная пляцоўка для варкаута і іншыя. Дарэчы, напрыканцы красавіка аўтобус адправіцца па ідэі па ўсіх рэгіёнах Беларусі.
